“Гендер ва медиа” китоби тақдимоти бўлиб ўтди

Ўзбекистон журналистлари ижодий уюшмаси Жиззах вилоят бўлими ҳамда “Қалб нури” нодавлат-нотижорат ташкилоти билан ҳамкорликда Абдулла Қодирий номидаги Жиззах давлат педагогика институтида хотин-қизлар иштирокида тадбир ташкил этилди.

Тадбирни институтнинг хотин-қизлар масалалари бўйича ректор маслаҳатчиси Зиёда Абдувалиева олиб борди. Унда хотин-қизларга яратиб берилаётган шарт-шароитлар, айниқса, таълим тизимидаги имкониятлар ҳақида сўз борди.

Шунингдек, “Қалб нури” нодавлат-нотижорат ташкилоти раҳбари Нодира Алимова “Хотин-қизларга нисбатан зўравонлик ва тазйиқларнинг олдини олиш” мавзусида чиқиш қилди. Бундан ташқари, мазкур ННТ томонидан чиқарилган “Гендер ва медиа” китоби тақдимоти ҳам ўтказилди.

 

 

Ўзбекистон Журналистлари ижодий уюшмаси вилоят бўлими