“Тил – шунча шарафи билан нутқнинг қуролидир. Агар нутқ номаъқул бўлиб чиқса – тилнинг офатидир”

Жиззах шахридаги Ҳамид Олимжон ва Зулфияҳоним боғида "Ўзбек тили байрами куни" муносабати билан байрам тадбири бўлиб ўтди. Вилоятдаги олий таълим муассасалари ўқитувчи ва талабалари, Журналистлар ижодий уюшмаси ҳамда ёзувчилар уюшмаси вилоят бўлими вакиллари, умумтаълим мактаблари ўқитувчи ва ўқувчилари иштирок этган тадбирда вилоят ҳокими маслаҳатчиси Баходир Мавлонов йиғилиганларни байрам муборакбод этди.

Тадбирда ватан, она юрт мадҳ этилган шеърлар ва турли монологлар ўқилди. Ўзбек тилининг тарихи ва бугуни ҳақида кўплаб қизиқарли ҳамда қимматли маълумотлар берилди. Тадбир юқори кайфиятда ўтказилди.