Оммавий ахборот воситалари вакиллари учун пресс-тур ташкил этилди

Жиззах вилоят ҳокимлиги Ахборот хизмати томонидан уюштирилган пресс-тур давомида журналист ва блогерлар вилоятда амалга оширилган ишлар ва ислоҳотларнинг амалдаги исботи сифатида Жиззах шаҳри ҳамда Шароф Рашидов туманидаги ижтимоий соҳа ва ишлаб чиқариш обьектлари билан танишдилар.

Пресс-тур иштирокчилари  Халқ депутатлари вилоят  Кенгаши котибиятига яратилган шароитлар,  аҳоли бандлигини таъминлаш, уларни касбга йўналтириш мақсадида  бунёд этилган “Мономарказ” фаолияти, “Sambhram” университети ва Президент мактабидаги таълим жараёни, Жиззах шаҳри, “Олмазор” маҳалласидаги 16 қаватли уйлар қурилиши, “Велотрек” майдони ҳамда Шароф Рашидов туманидаги "Голд Фиш агро" балиқчилик кластери фаолияти билан яқиндан танишдилар.Тадбир давомида журналист ва блогерлар ўзларини қизиқтирган саволларга мутахассислардан батафсил жавоб олишди.