Қозон Федерал университети филиалида учрашув

Ўзбекистон Журналистлар уюшмаси Жиззах вилоят бўлими ҳамда Жиззахда яқинда очилган Қозон Федерал университети филиали ҳамкорлигида тадбир бўлиб ўтди.

“Журналистика” факультети талабалари билан ўтказилган ижодий учрашувда Уюшма аъзоси, “Джизакская правда” газетаси бўлим муҳаррири Илхом Носиров ҳамда “Жиззах ҳақиқати” газетаси бўлим муҳаррири Асад Мустафоев иштирок этишди.

Тадбир давомида тажрибали журналистлар ёшларга ўзларининг бой тажрибалари билан ўртоқлашишди. Оммавий ахборот воситалари, газета ва журналларнинг жамият ҳаётидаги ўрни борасида сўз борди.