Мактабда ижодий учрашув

Жиззах шаҳридаги 22-сон ихтисослаштирилган давлат умумтаълим мактабида ижодий учрашув ташкил этилди. Тадбир Ўзбекистон Журналистлари ижодий уюшмаси Жиззах вилоят бўлими билан ҳамкорликда ўтказилди.

Учрашувга “Жиззах ҳақиқати” газетаси бўлим муҳаррири, тажрибали журналист Асад Мустафоев таклиф этилди. Унда мактабнинг ижодга қизиқувчи ўқувчилари иштирок этишди.

Тадбирда дастлаб, китоб, бадиий адабиётнинг ёшлар онгини ривожлантиришдаги аҳамияти ҳақида сўз борди. Шунингдек, нотиқ оммавий ахборот воситаларининг жамият ҳаётида тутган ўрни, журналистика соҳаси бўйича маъруза қилди.

Учрашувда ўқувчилар ўзларини қизиқтирган саволлар билан мурожаат қилишди.

Ўзбекистон Журналистлари ижодий уюшмаси вилоят бўлими